Skiptir afstaða þeirra máli?

Guðjón talar eins og afstaða Frjálslyndra skipti einhverju máli. Þeir hafa ekki gefið upp hvort þeir styðji nýja stjórn eða ekki, virðast reyndar aldrei vita hvaða afstöðu þeir hafa í einu né neinu... nema þá hvalveiðum.

Furðulegt ef hann ætlar að fara að tala fyrir hönd Framsóknar, ég held að Framsókn geti alveg talað fyrir sig sjálfa.  Heyrist að þar sé mun ábyrgari afstaða í gangi, þ.e. eð vera ekki sífellt að hlaupa út og suður í öllum málum, þeir hafa tekið afstöðu til nýrrar stjórnar og fara varla að hóta hinu og þessu áður en stjórnin hefur verið mynduð.

Frjálslyndir eru pólitískir flautuþyrlar.


mbl.is Hvalurinn setur hnút í Frjálsynda
Tilkynna um óviðeigandi tengingu við frétt

Hallgrímur heiðursmaður

Maður sér það á svip Hallgríms Helgasonar að honum er brugðið og hann bregst hárrétt við.  Hann er heiðursmaður fyrir vikið.

Það á að bera virðingu fyrir alvarlegum veikindum.

Hins vegar er ég hissa á að Geir skyldi ekki ganga alla leið og láta Þorgerði taka við strax og leiða flokkinn fram að landsþingi.  Það er ekki eðlilegt að báðir stjórnarflokkarnir séu stjórnaðir af formönnum sem báðir eiga við alvarleg veikindi að stríða.  Ég er líka hissa á því að þessir sömu formenn skuli ekki átta sig á því að landið er stjórnlaust með áframhaldandi stjórnarsetu.  Ég er hræddur við að fólkið í landinu sætti sig ekki við þessa "málamiðlun", þ.e. kosningar í maí en sama stjórn fram að þeim.


mbl.is Sjálfstæðismenn í sjokki
Tilkynna um óviðeigandi tengingu við frétt

Stundum skárra að Haardera...

Sýnist að allar þessar gáfulegu aðgerðir Heilbrigðisráðherra séu af þeim toga að hann vildi sýnast vera að gera eitthvað, öfugt við alla hina ráðherrana.  Stundum er bara skárra að gera ekki neitt frekar að að stuðla að ófriði og flumbrugangi.  Aðferðafræðin við þessar sameiningar og niðurskurðartillögur er fullkomlega til þess fallnar að misheppnast þar sem fólkið sem á að framkvæma hlutina og taka þátt í þeim er ekki haft með í ráðum.Enn einn ráðherran sem ætti að segja starfi sínu lausu!! 
mbl.is Læknaráð HAK lýsir ánægju með núverandi rekstrarform
Tilkynna um óviðeigandi tengingu við frétt

Frábær mótmæli

Þetta kalla ég að hafa húmorinn í lagi.  Mér fannst eitthvað svo frámunalega hallærislegt við fótboltaauglýsingu Landsbankans, þar sem "nýja, ferska og ríka liðið" spilaði fótbolta í gömlu húsakynnum Landsbankans, þetta átti líklega að vera tákn nýrra tíma en var bara hallærislegt eins og svo margt annað frá þessum tíma.

Frábær grein eftir Njörð P. Njarðvík í Fréttablaðinu í dag um markaðsvæðingu íþrótta og menningar.


mbl.is Spiluðu knattspyrnu í bankanum
Tilkynna um óviðeigandi tengingu við frétt

Brot á jafnræðisreglum..??

Hélt að það væri grunnregla að öll fyrirtæki ættu að sitja við sama borð þegar kemur að gjöldum hins opinbera og skattamálum.  Þannig að Jón Jónsson sem opnar t.d. lítið verkstæði á Suðurnesjum þarf að borga alla skatta og skyldur að fullu meðan risafyrirtæki sem fær orkuna á útsöluverði situr við allt annað borð.

Er þetta ekki brot á jafnræðisreglum??


mbl.is Helguvík langt komin í ríkisstjórn
Tilkynna um óviðeigandi tengingu við frétt

Græðgi

 

Ég hef löngum haldið því fram að ekki voru nein eðlileg lögmál í gangi þegar fasteignaverð rauk upp, ég vil halda því fram að bankar og fasteignasalar virtust gera með sér þegjandi samkomulag um að tala verðið upp.

Ég segi liíka, mikil fífl vorum við að trúa því að "markaðurinn" réði... þetta var bara spurning um að ríku bankastrákarnir ætluðu sér að verða enn ríkari!

Og nú sitjum við í súpunni, með allt of háar skuldir (og auðvitað verðtryggðar) af kaupum á íbúðum sem eru ekki, og voru aldrei svona verðmætar.

Djöfulsins helvítis andskotans græðgispakk og við fífl að láta hafa okkur af fíflum af andskotans stjórnmálamönnum sem létu þetta viðgangast.

Djöfull er gott að blóta svona..... 


mbl.is 25 til 30% lækkun þarf á fasteignamarkaði
Tilkynna um óviðeigandi tengingu við frétt

Barnabætur

Væri þá ekki upplagt að breyta lögum þannig að allir foreldrar njóti barnabóta, líka þeir sem hafa börnin sín aðra hvora viku en fá ekki að hafa lögheimili barna sinna hjá sér?

Skv. barnalögum er báðum foreldrum skylt að framfæra börn sín.  Skv. skattalögum fer framfærsla barns aðeins fram þar sem barn á lögheimili.  Þarna er ósamræmi sem þarf að laga.  Foreldri sem borgar meðlag með barni sínu og framfærir því þar að auki þann tíma sem það er hjá foreldrinu telst ekki framfærandi samkvæmt skattalögum og fær því ekki barnabætur.

Þetta þarf að laga!

Varðandi hátekjuskattinn vísa ég í fyrri færslu mína.


mbl.is Hátekjuskattur bara táknrænn
Tilkynna um óviðeigandi tengingu við frétt

Auðvitað ekki hátekjuskattur

Datt einhverjum í hug að ríkisstjórnin leitaði í aðra vasa en hjá venjulega fólki sem er að sligast undan síhækkandi lánum, verðbólgu og atvinnuleysi??  Nei, ekki ríkisstjórn jafnaðarmanna og sjálfstæðismanna!  Nákvæmlega eins og sama ríkisstjórn ætlar ekki að taka á öðrum málum sem brenna á almenningi, spilling, óréttlæti og fleira.  Fjármagnseigendur munu áfram greiða sinn 10 % skatt meðan við greiðum yfir 40%.  Burt með þetta lið, þau ráða ekki við verkið !!
mbl.is Þrýsta vísitölunni upp
Tilkynna um óviðeigandi tengingu við frétt

Dæmi um vitleysuna sem er í gangi

Þetta er dæmi um vitleysu sem alþingi gæti hæglega breytt með lagasetningu..... ef vilji væri til þess.  Þá er spurningin, er sá vilji fyrir hendi??

Sami vilji og er til að stoppa vitleysu Bakkavararbræðra með talnaleikinn með hlutabréfin í Exista??

Sami vilji og til að taka á innherjaviðskiptum ráðuneytisstjóra Fjármálaráðuneytis??

Sami vilji og til að taka á niðurfellingu skulda toppmanna hjá Kaupþingi??

Sami vilji og til að leiðrétta kaup bankastjóra Nýja Glitnis á hlutabréfum í gamla Glitni???

Held að núverandi ríkisstjórn hafi ekki vilja til að gera nokkurn skapaðan hlut... það er amk. ekki að sjá.  Mynd Halldórs í Morgunblaðinu í dag segir allt sem segja þarf.

Djöfulsins spilling...fyrirgefið orðalagið, stundum getur maður ekki orða bundist :(


mbl.is Next og Noa Noa aftur í eigu sömu hjóna
Tilkynna um óviðeigandi tengingu við frétt

+

Mann setur hljóðann, mikill meistari fallinn frá.

Rúnar heillaði alla í kringum sig með sínum karakter, hreinn og beinn, hógvær og lítillátur.  Einstakur lífskúnster sem sannaði það að það er hægt að vera ungur alla tíð.  Eftir liggur fjársjóður í hundruðum laga og hljóðritana þannig að hann mun lifa með okkur um alla tíð.

Blessuð sé minning hans.


mbl.is Rúnar Júlíusson látinn
Tilkynna um óviðeigandi tengingu við frétt

« Fyrri síða | Næsta síða »

Um bloggið

Ingimar E

Höfundur

Ingimar Eydal
Ingimar Eydal
Nöldrari af guðs náð. Þreytist aldrei á að koma réttlætinu á framfæri. En ávallt með bros á vör...
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • chicken-truck
  • Halendisferd Draco15-19 juli 07 193
  • ...juli_07_149

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband