Blessaður og takk fyrir mig.

Svona líður tíminn, en vissulega rifjast upp ófá stoppin á Brú á ótal ferðum milli Akureyrar og Reykjavíkur á námsárum í HÍ, oftast bara til að kasta af sér en oftar en ekki til að taka bensín á Skodann (blessuð sé minning hans líka) og grípa eitt Prins polo.  Nú ef fleiri voru með í ferð var örugglega pantaður einn Brúarborgari sem einhvern veginn voru alltaf betri en þessir í Staðarskála.

Vonandi verður nýja þjónustumiðstöðin persónuleg með góðum mat og vinalegu umhverfi.  Ef menn vilja sjá hvernig á EKKI að byggja eða reka slíkan stað þá má benda á N1 á Blönduósi sem er ópersónulegur skyndibitastaður, yfirleitt sóðalegur.  Vonandi verður nýr Staðarskáli með persónulegri stíl.

Brúarskáli í Hrútafirði rifinn

Og hér er mín skýrsla...

Þar sem ég var á eigin vegum á hálendinu í síðustu viku þá kemur hér mín eigin skýrsla eftir bestu minni:

Þriðjudagur  4x nr. 1.  Í klósett Gæsavatnaskála.
Miðvikudagur Sama + 1 x nr. 2 á sama stað.
Fimmtudagur 2x nr. 1 Sama stað.  1x nr. 1 í Nýjadal (kr. 400) 1x nr. 1 í Landmannahelli (þ.e. ekki í hellinum heldur í salernishúsi þar sem ég gisti á tjaldstæðinu  (innifalið í tjaldstæðagjaldi).
Föstudagur 1x bæði 1og2 í Landmannahelli áður en ég lagði af stað.  1x nr 1 bakvið stein við Langasjó. Síðan 1 x nr. 1 á salerni við skála Útivistar við Sveinstind þar sem ég gisti (innifalið í skálagjaldi, held ég).
Laugardagur. 1 x1+2 í sama salerni við Sveinstind.  1 x1 á Mælifellssandi (heldur berangurslegt!) 1x1 í salernishús Útivistar við Strút (vona að það sé einnig innifalið).
Sunnudagur. 1X1 í sama salerni við Strút.  1+1 á pizzustað á Hvolsvelli (þar sem borðaði pizzu) og síðan bara heima.

Vona að þessar upplýsingar komist til skila.  Allir þessir staðir eru til fyrirmyndar, í Landmannahelli er reyndar heldur mikið myrkur ef maður lokar hurðinni en það er auðvitað valkostur !!

Skrásetja klósettferðir

Er þetta virkilega frétt??

Á hverjum degi látast þúsundir manna á eðlilegan hátt um allan heim, í heimahúsum, við vinnu eða í fríum.  Af hverju er það frétt þótt aldraður hjartasjúklingur látist um borð í skemmtiferðaskipi?  Er gúrkan algjör eða er vankunnáttu í fréttamennsku um að kenna??

Andlát um borð í skemmtiferðaskipi

Búast þeir við samúð??

Forvitnilegt er að vita hvort stétt flugumferðarstjóra býst við samúð almennings með sínum kjörum?

Þeir hafa knúið fram tiltölulega góð laun með reglulegum aðgerðum sem snúa að öryggis- og samgöngumálum.  Fyrir mitt leyti finnst mér þetta aðeins lykta af frekju, sérstaklega þegar allar aðrar stéttir hafa geta samið um sín mál og allur almenningur er að láta yfir sig ganga gríðarlegar hækkanir á öllu öðru en launum.  Hvers vegna þessi 100 manna stétt nær ekki að semja eins og aðrar stéttir er erfitt að skilja, sér í lagi þegar menn hafa verið að rífast um þetta síðan 1995.

 

Ekkert flogið innanlands í fjóra klukkutíma

Ekki einfalt mál..!

Hvet alla sem telja sig hafa vit á hvernig á að standa að því að taka á móti gestum á hátíðir eins og bíladaga eða "Eina með öllu" að horfa vel á þetta myndband og velta svo fyrir sér eftirfarandi:

http://www.youtube.com/watch?v=x-FyYk-RECY&feature=related

Er þetta eðlileg hegðun?

Er eðlilegt að bjóða íbúum Akureyrar, Akranes eða annara staða upp á að hýsa svona gesti?

Myndir þú fara með börnin þín á tjaldstæði þar sem ástandið er svona?

Myndir þú vilja vinna við löggæslu eða aðra gæslu við þessar aðstæður?

Ertu hissa á að bæjaryfirvöld á Akureyri og rekstraraðilar tjaldsvæðana hafi viljað sporna við þessu ástandi?

Þetta myndband sýnir ástandið eins og það var m.a. á tjaldstæðinu á Hömrum á bíladögum fyrir ári síðan.  Í ár tókst sem betur fer að hafa hemil á ástandinu á tjaldstæðunum þótt ástandið hafi verið ömurlegt í miðbæ Akureyrar, en margir, m.a. sumir bæjarfulltrúar, gagnrýnt þær ráðstafanir sem gerðar voru.  Ég spyr þá hina sömu aftur þeirra spurninga sem ég setti fram hér að ofan.

Þess má geta að þetta myndband fann ég með því að fara inn á youtube.com og slá inn leitarorðið biladagar, þetta var það fyrsta sem poppaði upp.

Erfið nótt á Akureyri

Og þá byrja þeir... bíladagar.

 

Frétt morgunsins fjallar um mikinn hraðakstur í Öxnadal.  Það skyldi þó ekki tengjast Bíladögum á Akureyri?

Svona var það í fyrra: http://mbl.is/mm/frettir/innlent/2007/06/16/fullar_fangageymslur_a_akureyri_i_nott/ 

Svona var það 2005:

http://mbl.is/mm/frettir/innlent/2005/06/17/maeldist_a_164_kilometra_hrada_i_oxnadal/

Og því miður þá sluppu ekki allir bara með sektir:  

http://mbl.is/mm/frettir/innlent/2005/06/17/tveir_letust_i_umferdarslysi_i_oxnadal/

Ég óska þess að unga fólkið sleppi lifandi frá þessari skemmtun, og í guðs friði, hættið svo að berja og limlesta hvort annað og vonandi fær starfsfólk tjaldstæða að sinna störfum sínum án þess að eiga það á hættu að verða lamin. 

Þungir bensínfætur í Öxnadal

Mál til komið !!

Löngu tímabært að taka á þessum lögbrotum.  Ef menn vilja banna auglýsingar á áfengi á að fara eftir þeim lögum, ekki í kringum þau og taka á brotum.  Ef það er ekki gert þá eru skilaboðin þau að það þurfi ekki að fara eftir lögum.  Hvort menn vilja hins vegar breyta þeim er annað mál. 

Ritstjórar sektaðir fyrir áfengisauglýsingar

Ótrúleg vitleysa....

Björgunarsveitarbílar standa tilbúnir fullir af eldsneyti til bjargar íbúum landsins....

Hvort eiga þeir þá að vera fullir af ólitaðri eða litaðri olíu??

Fínt að láta fólk, sem eyðir dýrmætum tíma sínum í sjálfboðavinnu til hjálpar okkur hinum, eyða þá enn meiri tima í að sjúga upp lituðu olíunni vegna þess að þeir eru að fara á æfingu.  En hvað ef þeir eru svo kallaðir út í miðri æfingu??  Úpps, "drífa sig út krakkar og skipta um olíu".

Þetta er líklegast það vitlausasta sem ég hef lengi heyrt !!

Trúi ekki öðru en menn skilji málið.

Deilt um litaða olíu á björgunarsveitabílum

Löngu tímabært

Frábært mál og löngu tímabært !!

Auðvitað á alvöru höfuðborg að eiga alvöru samgöngumiðstöð og greiðar samgöngur í lofti og láði !!

Nú þarf bara að drífa í að byggja !!

Myndir af væntanlegri samgöngumiðstöð sýndar

Þungbúið veður..... í Reykjavík??

Hjá mér er amk. heiðskýrt og glampandi sól

En hjá fjölmiðlum er ekki gott veður nema það sé gott í Reykjavík, sbr. að það var upphrópað að SPÁÐ væri allt að 17 stiga hita í gær.  Í minni heimasveit hefur hitinn farið nokkrum sinnum í 16-17 gráður upp á síðkastið án þess að fréttastofur færu hamförum...

 Gleðilegt sumar   með sól í sinni

Frekar þungbúið veður í dag