Einkennileg undirskriftarsöfnun.

Ætla mætti að þetta væru unglingar sem stæðu að þessari síðu en ekki fullorðið fólk.  Hugmyndin um afsögn bæjarstjórnar (eða meirihluta eða hluta hennar) er út úr kú enda kemur ekki fram á þessari síðu hverjir standa að henni  aðrir en "hagsmunaðilar um ferðaþjónustu á Akureyri".  Þetta dæmir sig sjálft og er aðstandendum síðunnar til minnkunar.   Auðvitað var þessi aldurstakmörk ekki besta leiðin og gert með alltof stuttum fyrirvara en aðrar leiðir voru vandfundar enda ljóst að dagskrá hátíðarinnar var enn og aftur beint að ungu fólki og hátíðin stefndi í að falla í sama farið og í fyrra. 

Það er einnig ósanngjarnt að bera þessa hátíð saman við Þjóðhátíð í Eyjum sem státar af 100 ára hefð og er hátíð fólksins í Eyjunni.  Aðstandendur þjóðhátíðarinnar (íþróttafélagið) sjá sjálfir um svokölluð´"tjaldstæði" og "snyrtingar" (sem er hæpið að bera saman við alvöru aðstöðu í þeim efnum), auk gæslu, sjúkragæslu, ruslatínslu og þrifa og annarar þjónustu.  Á Akureyri bera aðstandendur hennar enga ábyrgð á þessum hlutum enda einkaaðilar, opinberir aðilar sjá um gæslu, þrif, sjúkraþjónustu og þeir og rekstraraðilar tjaldsvæðanna sitja uppi með vandamálin og kostnaðinn. 

Besta lausnin á þessu er að leyfa aðstandendum hátíðarinnar "Einnar með öllu" að sjá um unglingatjaldstæði og aðstöðu því tengdu (ef einhver vill leggja það svæði til), ennfremur sem þeir sjá þá einnig um þrif og ruslatínslu í bænum.  Þeir gætu þá væntanlega staðið undir kostnaði við aukna löggæslu og öðrum kostnaði sem nú leggst á landsmenn (og þó mest á íbúa Akureyrar). Allt tal um um að virðisaukinn standi undir þessu er hæpinn því hann skilar sér ekki til Akureyrar nema að litlu leyti.

Ég tek hins vegar undir með Svavari A. Jónssyni þar sem hann leggur til að Akureyringar létti undir með aðstandendum hátíðarinnar og verði duglegir að kaupa sér hamborgara og tískufatnað næstu daga.....  Verslum í heimabyggð !!

Tæplega hundrað manns skrifað undir

Athugasemdir

[Bragi Þór Valsson (IP-tala skráð) 10.8.2007 kl. 00:14]

Sæll, Ingimar.

Ég hef einmitt verið að pæla í þessu, þó það geti vel verið að það hafi komið einhvers staðar fram. Hvað er það sem hann nafni minn skipuleggjandi hátíðarinnar þarf eiginlega að bera ábyrgð á? Sér ekki bærinn í sjálfu sér um öll "skítadjobbin" í kringum þetta? 

[Halla Rut , 11.8.2007 kl. 01:16]

Mér finnst alls ekki að bæjarstjórinn eigi að sega af sér heldur sjái af sér. 

[Ingimar Eydal, 12.8.2007 kl. 00:20]

Góður Halla, hef trú á því að hún hugsi sig tvisvar um áður en hún gerir þetta aftur.....