Til eftirbreytni...

 

Maður að meiri og mættu fleiri taka sér það til fyrirmyndar ekki síst Sjálfstæðismenn og Samfylkingarfólk sem hafa náð nýjum hæðum í ráðaleysi og foringjahollustu. Meira að segja er búið að þagga niður í Ágústi Ólafi og þá þegir restinn.  Framsóknarmenn þora þó ennþá að opna munninn.  Ekki má gleyma því að samningur sem Íslendingar skrifuðu undir um EES skuldbundnu Íslendinga til að selja bankana þannig að Valgerður gerði ekki annað en það sem samningur kvað á um og það sem Sjálfstæðismenn knúðu á um.

En Sjálfstæðisflokkurinn sleppur alltaf billega við alla gagnrýni.

Það er eftirsjá að Bjarna, en með þessum vinnubrögðum dæmdi hann sig sjálfur úr leik.  Þá er bara að vona að hinir sjái einnig að sér.

Guðni: Bjarni axlar ábyrgð

Athugasemdir

[Jón Ingi Cæsarsson, 11.11.2008 kl. 11:18]

Ingimar... Bjarni átti engra kosta völ.... hann missti traust sinna nánustu samstarfsmanna. Staða Framsóknarflokksins er honum sjálfum að kenna.

Saga Finns Ingólfssonar og Valgerðar í málum Búnaðarbankans endaði með því að Framsóknarmenn gáfu flokksvinum sínum og félögum þennan stönduga ríkisbanka og fyrir það eru þeir dæmdir. Sá sannleikur mun vonandi birtast landsmönnum við þá rannsókn sem á að gera á þessum málum.

Þú kannski mannst eftir Finni... hann var bankamálaráðherra Framsóknarflokksins.... skipaði síðan sjálfan sig sem Seðlabankastjóra og fór síðan fyrir hópi manna sem högnuðust um milljjarða með að beina eignum okkar allra í eigin vasa. Valgerður var bara leiksoppur hans og þeirra afla sem þar réðu för.

[Ingimar Eydal, 11.11.2008 kl. 11:23]

Ójá, mikið vildi ég gleyma Finni og öðrum þeim mönnum sem skemmt hafa Framsókn í gegnum árin!

[Halldór (IP-tala skráð) 11.11.2008 kl. 13:20]

Viðskulum ekki gleyma því að Valgerður Finnur og Halldór eru úr hægri armi framsóknarflokksins og myndu í mínum orðum teljast sjálfstæðisfólk