Furðulegar myndir með frétt!

Í sjónvarpsfréttum Ruv núna í kvöld (17.9.12) var rætt við ferðamennina sem voru tepptir í nokkra daga í skála Ferðafélags Akureyrar í Laugafelli sunnan Eyjafjarðar.  Viðtalið var í sjálfu sér í lagi en þekking fréttamanns var greinilega engin á aðstæðum eða tilfellinu.  Þannig var talað um skála Ferðafélags Íslands og að björgunarmenn hefðu komið fólkinu til hjálpar.  Björgunarmennirnir voru einfaldlega menn frá Ferðafélagi Akureyrar að fara í vinnu- og eftirlitsferð og rákust á fólkið á staðnum og komu því til byggða.  Með fréttinni birtust svo myndir af bílum í vandræðum á Víkurskarði og síðan myndir frá Laugafelli við Snæfell sem er á Austurlandi.  Síðan myndir af björgunarsveitarmönnum eins og þeir hefðu komið fólkinu til hjálpar.

Greinilega var þessi frétt unnin af einhverjum sem vissi ekkert hvað hann var að fjalla um.  Líklega hefur Ágúst Ólafsson fréttamaður Ruv á Norðurlandi ekki verið viðlátin til að koma að þessu.

Ruv....vanda sig takk!  Þið eruð betri en þetta!

Verður reist??

Furðuleg fyrirsögn!  Væntanlega sjá menn að þetta er út úr korti að reisa virkjun á þessu ótrúlega svæði.  Þar væru menn sannarlega að slátra bestu mjólkurkúnni.  Svæðið eins og það er er endalaust dýrmætt.  Vonandi ráða ekki skammtímasjónarmið í þessu, við verðum að fara að hugsa um ósnortið land sem verðmæti! 

Búlandsvirkjun verður reist lengra frá Langasjó

Fráleitt !

Í mynni Glerárdals hefur verið urðað sorp til margra ára en nú hefur því verið hætt og verður svæðið gert að útivistarsvæði.  Ofan við sorpurðunarsvæðið er dalurinn ósnertur og mikil útivistarparadís.  Að mínu mati eru menn úti á túni með þessar hugmyndir og sýnir ekkert annað en fullkominn hroka gagnvart náttúrunni.  Alveg sama út frá hvaða sjónarhóli þetta mál er skoðað þá er það fráleitt !!

Vilja reisa virkjun í Glerárdal

Síðbúið uppeldi

Hann hefur bara verið að gera það sem greinilega hafði ekki verið gert fram að þessu, ala þessi börn upp!!  Stundum er betra seint en aldrei.  Börn eiga að sýna kurteisi, annað er bara óþolandi!

Skokkari réðist á 12 ára dreng

Afrek..tja...

Hmm.. þetta telst nú varla þvert yfir landið, að skokka yfir Sprengisand?  Veit um slatta af íslendingum sem hafa gert þetta án þess að rata í fjölmiðla og voru heldur fljótari.  Sjálfur gekk ég frá Eyjafirði norður fyrir Hofsjökul og yfir Kjöl ásamt nokkrum skátum þegar ég var unglingur og þótti ekki fréttaefni.  Vorum þó nokkrum dögum fljótari en þessir kappar.

Gengu þvert yfir Ísland

Hallærislegt og lágkúrulegt

Hvað er íslenskara en gamla gufubaðið á Laugarvatni?  Auðvitað var það rifið í anda 2007 og átti aldeilis að græða á gufunni.  Eftir nokkra ára vandræði eru menn að fara aftur af stað.  Og völdu auðvitað nafn í anda 2007.  Held að menn ættu aðeins að endurskoða málið, kannski halda menn ennþá að það sé rosalega flott að vera svona "erlendis".  En það er ekki það sem útlendingar eru að leita að og örugglega ekki íslendingar heldur.  Mér finnst það jaðra við helgispjöll að rífa húsið og gamla gufubaðið. En það var gert og nú bíta menn höfuðið af skömminni með þessu hallærislega nafni.  Af hverju mátti þetta ekki bara heita Gufubaðið að Laugarvatni?  Og svo bara þýða það þegar það á við.

Ég mun amk. ekki leggja leið mína í "Fontana" gufubað!

Gufan verður Fontana

Einfalt mál

Væntanlega er auðvelt að finna út hvaða nemendur MA hafa farið með rútunni þennan dag, þeir sem eru að koma heim úr helgarfríi úr Húnavatnssýslu eða Skagafirði. Nú ef þeir eru saklausir þá hljóta skólastjórnendur MA að hafa metnað til að reyna að upplýsa málið. Meðan það er ekki gert liggja allir nemendur MA frá þessum svæðum undir grun.

Gerði þarfir sínar í rútunni

Veltir hálka bílum?

Tja.. maður spyr sig...?

Bílvelta á Seltjarnarnesi

Kostuleg frétt

Hætta í Þingholtunum.... las ég og velti fyrir hverjir væru nú að hætta þar??

Síðan fór ég að lesa um eftirför og að lögreglan náði að loka umferðaræðum...???  Af hverju lokaði lögreglan ekki bara einhverjum götum...nei bara heilu æðunum var lokað, líklega hefur þetta borist inn á skurðdeild LSH.  Maðurinn reyndist þá verulega ölvaður við handtöku, spurning hvort hann hafi ekki verið ölvaður fyrr??

Ökumaðurinn var réttindalaus eftir að hafa misst ökuréttindin (nú jæja) og hefur ekki oft komið við sögu lögreglunar??  Væntanlega á hann þá ekki langan sakarferil.

 Var virkilega ekki hægt að skrifa þessa frétt betur eða er þetta tekið beint frá lögreglunni?  Hvort heldur sem er þá er ástæða til að hafa áhyggjur af svona textaskrifurum... eða hvað?

Hætta í Þingholtunum

Þvert á alla skynsemi

Hvað með öll fögur fyrirheit um að færa opinber störf út á land?  Hvað með þá staðreynd að lífið í landinu fer ekki bara fram á einum stað?

Held að við ættum að skipta um útvarpsstjóra, já og dagskrárstjóra útvarpsins líka!

Eflum Rás 1 og íslenskt efni í sjónvarpinu!

Svæðisfréttamönnum sagt upp