Hmmm, landafræðiþekkingin ekki í lagi?

Snæfell í Öræfum... er það tindurinn Snæfell sem ofan og vestan við Kálfafellsdal eða er verið að tala um Snæfell á Austurlandi? Kortið er af því Snæfelli en af hverju er þá verið að vara við óveðri þar?  Þar er ekki veðurathugun en á Eyjabökkum er blíðuveður skv. mæli þar.

Hins vegar er óveðursmerki á korti Vegargerðarinnar við Sandfell í Öræfum en í texta við stendur að þar hafi verið logn kl. 11?

Þetta er nú meira ruglið allt saman..... Engu að treysta, hvorki mælum, vefsíðum eða fréttum??


mbl.is Óveður er við Snæfell í Öræfum
Tilkynna um óviðeigandi tengingu við frétt

Skátastarf?

Þetta hljómar nú bara eins og skátastarfið, amk. eins og ég man það hér fyrir norðan.
mbl.is Norræn umhverfisverðlaun til Svíþjóðar
Tilkynna um óviðeigandi tengingu við frétt

Auðvitað!

Þetta hafa margir bent á hér á landi, m.a. Höskuldur Þórhallsson þingmaður sem hefur verið ötull talsmaður þess að skoða þetta mál betur og samþykkja ekki þessa afarkosti.

Núverandi ríkisstjórn setur verulega niiður við það hvernig þeir hafa unnið í þessu máli.  Þeir ráku smiðshöggið á þessa þetta snilldarverk bankastjóranna !!


mbl.is Hegðun Breta og Hollendinga ekki sæmandi
Tilkynna um óviðeigandi tengingu við frétt

Er þá þjóðin framsóknarmenn??

Gott að VG vildi breyta fyrirsögninni því Steingrímur minnist ekkert á Framsóknarmenn í þessu furðulega viðtali, er þá þjóðin öll Framsóknarmenn??

Fleiri og fleiri eru að sjá það að einu skynsamlegu tillögurnar hafa komið frá Framsókn.  Fjármálaráðherra er greinilega ráðalaus og eins og hann sé fyrst núna að átta sig á alvarleika málsins... en hvað ætlar hann að gera????  Svör óskast.  Jóhanna sér bara ESB þannig að lítið vitrænt kemur þeim megin frá.  Þetta virkar ekki traustvekjandi umræða, því miður!


mbl.is Framsóknarmenn í afneitun
Tilkynna um óviðeigandi tengingu við frétt

Frábær flutningur !!

Frábær frammistaða hjá okkar fólki, Jóhanna var ekkert annað en frábær.

Skora á alla að ná sér í plötuna hennar "Butterflies and Elvis", einstaklega ljúf og falleg plata.


mbl.is Jóhanna spurði og bíður svara
Tilkynna um óviðeigandi tengingu við frétt

Hið fullkomna lýðræði....

Já, það er ekki hægt að efast um að þarna hafi lýðræðið ráðið ríkjum......
mbl.is 99,98% kjörsókn í Norður-Kóreu
Tilkynna um óviðeigandi tengingu við frétt

Er þetta í lagi??

Ég vissi ekki að þetta umrædda fyrirtæki væri til fyrr en ég las þessa frétt.  Allt er nú hægt að hafa að féþúfu... Heilsuvernd... er þetta þá einhvers konar heilsulögga sem fylgist með að menn og konur sem komast ekki til vinnu séu örugglega veik...  ég bara spyr, leyfa lög um persónuvernd þetta?  Eru menn ekki á gráu svæði með einkafyrirtæki sem fylgjast með heilsufari starfsmanna og hvað amar að þeim?

Fyrir utan það að lúkkið á þessum framkvæmdastjóra er nú ekki beint til að auka heilsufarið hjá mér amk.... lítur út eins og bisnessmaður dauðans... sem hann er líklega fyrst hann hefur náð að markaðssetja þetta furðulega fyrirtæki.

Svo enn fyrir utan það að þessi frétt er fáránleg, væri ekki nær að ræða við opinbera aðila sem hafa með þessi mál að gera?  Er ekki komið nóg af andskotans einkavinavæðingu allstaðar og í öllum skúmaskotum?  Svei.....


mbl.is Tíðari veikindi - Fleiri slys
Tilkynna um óviðeigandi tengingu við frétt

Sumir fastir í fortíðinni....

Kostulegt að sjá auglýsingar frambjóðenda. sérstaklega Sjálfstæðismanna, sem greinilega eru sumir ekki á flæðiskeri staddir og ætla greinilega að "kaupa" sig inn á Alþingi.  Það er ömurlegt að sjá þessar kempur sem fjálglega tala um að nú þurfi að draga saman seglin en þurfa greinilega ekki að gera það sjálfir, enda sumir með trygga bakhjarla.

Hvernig í ósköpunum eigum við að trúa því að hér ríki ekki spilling þegar sömu andlitin eru ýmist stjórnmálamenn eða þá menn með gríðarlega hagsmuni á bakvið sig...???


mbl.is Fá að senda einn tölvupóst frá Valhöll
Tilkynna um óviðeigandi tengingu við frétt

Nú verður VÍS að standa fyrir máli sínu!

Eftir að hafa horft á Kastljós í kvöld er manni eiginlega orða vant.  Nóg er samt fyrir foreldra barns sem deyr í slysi og annars barns sem er öryrki eftir að níðingur á bíl keyrði á þau, þó svo að tryggingafélagið og Tryggingastofnun komi ekki fram við þau af þvílíkum dónaskap að það hálfa væri nóg.

Sjálfur á ég 3 börn, hef forræði yfir þeim ásamt móður þeirra en þau hafa lögheilmili hjá móður sinni því lögin heimila ekki tvöfalt lögheimili en... allar bætur miðast við lögheimili.  Nú eiga börnin mín sitt heimili hér og hjá móður sinni en opinberir aðilar viðurkenna ekki nema annað heimili þeirra.

Í fyrramálið mun ég hafa samband við tryggingafélagið mitt sem er einmitt VÍS, eins og hjá foreldrum þeirra barna sem fyrr um ræðir og fá skorið úr því hvort börnin mín séu tryggð hjá mér þótt lögheimili þeirra sé ekki hér.  Ef þeir geta ekki staðfest það þá segi ég upp öllum tryggingum mínum hjá þessu félagi (og reyndar ætti ég að gera það hvort eð er, þó ekki væri nema vegna þess dónaskapar sem þau sýndu í þessu tiltekna máli) og leita mér nýs tryggingafélags.  Þá er bara að vona að þau hafi ekki haft samráð um þessi mál.

Verra þykir mér viðhorf Tryggingastofnunar sem neitar að borga hjálpartæki á heimili föður því börnin eiga lögheimili hjá móður.  Einnig er með ólíkindum að tryggingafélög geti dregið framreiknaðan lífeyri TR frá bótagreiðslum.

Ég skora á alþingismenn og frambjóðendur að skoða þessi mál og taka á þessu.  Núverandi staða er óþolandi og gríðarleg skerðing á rétti þeirra foreldra þar sem börn eiga ekki lögheimili.  Þetta snýr einnig að skattayfirvöldum því þau neita að viðurkenna að foreldrar séu með börn á framfæri ef þau eiga ekki lögheimili hjá þeim þrátt fyrir að barnalög kveði á um að báðum foreldrum sé skylt að framfæra börn sín.  Þetta er ótrúlegt að þetta skuli vera svona og óskiljanlegt að enn skuli vera brotið jafn freklega á foreldrum með úreltum lögum.

Sjá Kastljósþátt 19. febrúar 2009


Góður þessi!

Ég hélt fyrst að hér væri um myndabrengl að ræða..... en ég skil ekki í hvaða fílabeinsturni þessi maður býr, ef hugsunargangurinn er svona hjá honum og öðrum fjárfestum og peningaköllum þá hafa þeir greinilega ekki verið að fylgjast með umræðunni síðustu vikur og mánuði.  Það er búið að setja þjóðina á hvínandi kúpuna, ábyrgð á því bera ótrúlega fáir og það er verið að reyna að afla þjóðinni trúverðugleika á ný og gefa fólki amk. von um að þeir sem ábyrgð bera á bullinu fái ekki áfram að stýra málum. 

Það er eiginlega óhuggulegt að sjá hvað Kjartan er blindur á málið.


mbl.is Pólitískar hreinsanir og ofsóknir
Tilkynna um óviðeigandi tengingu við frétt

« Fyrri síða | Næsta síða »

Um bloggið

Ingimar E

Höfundur

Ingimar Eydal
Ingimar Eydal
Nöldrari af guðs náð. Þreytist aldrei á að koma réttlætinu á framfæri. En ávallt með bros á vör...
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • chicken-truck
  • Halendisferd Draco15-19 juli 07 193
  • ...juli_07_149

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband