Er þetta virkilega frétt??

Á hverjum degi látast þúsundir manna á eðlilegan hátt um allan heim, í heimahúsum, við vinnu eða í fríum.  Af hverju er það frétt þótt aldraður hjartasjúklingur látist um borð í skemmtiferðaskipi?  Er gúrkan algjör eða er vankunnáttu í fréttamennsku um að kenna??

Andlát um borð í skemmtiferðaskipi

Athugasemdir

[Gunnar Hrafn Jónsson (IP-tala skráð) 10.7.2008 kl. 16:13]

Jamm, það fór fyrst allt í gang á fréttastofum landsins vegna mikils viðbúnaðar lögreglu. Svo fóru menn á svæðið og í ljós kom að einhver hafði hugsanlega dáið. Svo var verið að reyna að finna út hverjir færu um borð, hver hefði dáið, hvort um morð eða sjálfsvíg væri að ræða. Aðeins eftir allt þetta ferli kom í ljós að þetta var ekkert stórmál.

Það hefði því verið hálf kjánalegt að segja landsmönnum að hugsanlega væri eitthvað svakalegt að gerast og drepa svo bara fréttina - þetta er bara "follow-up" eftir "false-alarm" svo ég tali fallegt mál.

[Ingimar Eydal, 10.7.2008 kl. 16:15]

Jahá, það skýrir ýmislegt, hefði kannski verið gáfulegt að nefna það í þessari frétt, undirritaðan vantaði forsöguna.

[Emil Örn Kristjánsson, 10.7.2008 kl. 16:31]

Er maður sem sagt hvergi óhultur?

[Einar Þór Strand, 10.7.2008 kl. 16:53]

Hef nú grun um að fyrri fréttin hafi líka verið einhver uppsuða í blaðamönnum, það er jú þannig að þegar fólk deyr óvænt og utan sjúkrastofnanna þá rannsakar lögregla málið, og í þessu tilfelli leitar skipið til lögreglunnar hér vegna þess að það er hér við land.  Hér hefur því einhver gert hænu úr upphaflegu fjöðrini.