Blessaður og takk fyrir mig.

Svona líður tíminn, en vissulega rifjast upp ófá stoppin á Brú á ótal ferðum milli Akureyrar og Reykjavíkur á námsárum í HÍ, oftast bara til að kasta af sér en oftar en ekki til að taka bensín á Skodann (blessuð sé minning hans líka) og grípa eitt Prins polo.  Nú ef fleiri voru með í ferð var örugglega pantaður einn Brúarborgari sem einhvern veginn voru alltaf betri en þessir í Staðarskála.

Vonandi verður nýja þjónustumiðstöðin persónuleg með góðum mat og vinalegu umhverfi.  Ef menn vilja sjá hvernig á EKKI að byggja eða reka slíkan stað þá má benda á N1 á Blönduósi sem er ópersónulegur skyndibitastaður, yfirleitt sóðalegur.  Vonandi verður nýr Staðarskáli með persónulegri stíl.

Brúarskáli í Hrútafirði rifinn

Athugasemdir

[Sigurbjörn Friðriksson, 20.8.2008 kl. 15:07]

Eitt skipti er ég var á hrðaferð að norðan kom ég við á Staðarskála til að kaupa eina pylsu (pulsu) og afgreiðslustúlkan, yndisleg og falleg, spurði mig blíðlega: "Viltu fá eitthvað að drekka með þessu?"  Ég svaraði: "Já takk, glas af mjólk."  Hún hrópaði upp yfir sig svo glumdi í salnum:"HAA!!  Það hefur enginn beðið um svoleiðis hérna.  Ég skal gá hvort ég get fengið svoleiðis í eldhúsinu!"  Svo kom þessi elska með mjólkurglas og rétti mér brosandi.  Þetta var í sveitinni þar sem mömö eiga heima og borða grasið sitt. (Reykvíska).

Kær kveðja, Björn bóndiïJð<  

[Öryrkinn (IP-tala skráð) 20.8.2008 kl. 17:54]

Mér þykir anda köldu til þéttbýlisfólks í skrifum þínum bóndi sæll.

[Sigurbjörn Friðriksson, 22.8.2008 kl. 21:02]

Sæll Öryrki.  Það var Reykvíkingur sem var að útskýra fyrir mér hvað "tilhleypingar" væru.  Ég þóttist ekki vita hvað það var.  "Það er þegar karlkyns kindunum er hleypt til kvenkyns kindanna til að hafa mök við þær, svo þær verði ófrískar."  Þessi Reykvíkingur starfar nú sem blaðamaður hjá Fréttablaðinu.  Þessi blaðamaður er kvenkyns blaðamaður og er af mölinni.

Kær kveðja, Björn bóndiïJð<