Eins og "Ein með öllu"...??

Þetta minnir óneitanlega á ákvörðun bæjarstjórnar Ak. um sl. verslunarmannahelgi....

Kannski skilur veitingamaðurinn ágæti núna af hverju bæjarstjórinn vildi ekki fá ákveðin hóp til bæjarins??

Dálítið kómiskt, því þessi sami veitingamaður stóð fyrir undirskriftum til að fá bæjarstjórann til að segja af sér vegna þess en núna útilokar hann sjálfur ákveðin hóp frá sínum skemmtistað.

Auðvitað snýst málið við þegar óþægindin snúa að honum sjálfum eða hvað???

„Dónaleg framkoma ekki liðin“

Smitandi lífskraftur

Síung, jákvæð og skapandi.  Ingibjörg Þorbergs á afmæli í dag og er 80 ára.  Fyrir nokkrum dögum heyrði ég lagið "Í sólgulu húsi" í útvarpinu og í hvert sinn sem ég hugsa um þetta lag kemst ég í gott skap, það er eitthvað svo róandi og jákvætt, frábær lagasmíð og skemmtilegur texti.

Besta jólaplata sem ég á og man eftir er einmitt með lögum eftir Ingibjörgu, platan er skemmtileg blanda af hátíðlegum lögum en einnig lögum á borð við hinn frábæra "Jólakött" sem Björk söng svo snilldarlega. 

Til hamingju með afmælið, takk fyrir þinn smitandi lífskraft.  Vona að jákvæðni þín berist til sem flestra.

Friður í sálinni

Vatnsagi varla vandamál lengur?

Það hlýtur að vera kostur að hafa mikinn vatnsaga í göngunum núna þegar búið er að hleypa á þau, spurning hvort hefði ekki átt að byrja að grafa göngin og sjá svo til hvort þyrfti vatn til viðbótar úr Jöklu....??

Nei að öllu gamni slepptu þá er gott að þetta gangi þó svona vel, vonandi gengur þetta áfram vel, bæði vatn og vélar.  Verst er að vandamál sem gætu komið upp í framtíðinni, færum við afkomendum okkar að leysa, sem ekkert hafa um málið að segja í dag.   En spurning hvort við notum hluta af "gróðanum" til að eiga til taks til að mæta þeim vandamálum...??

Þetta er alltaf spurning um bilið á milli þess að vera svartsýnn eða varkár?

Vatni úr Hálslóni hleypt á aðrennslisgöngin

"Elvis" óperuheimsins allur

Bono söngvari U2 sagði þetta eitt sinn um Pavarotti að hann væri "Elvis" óperuheimsins.  Það var eftir hið frábæra samstarf þeirra sem gaf okkur m.a. hið frábæra lag "Miss Sarajevo" þar sem þeir beindu sjónum heimsins að ástandinu á Balkanskaganum.  Pavarotti vann með fjölda poppsöngvara að ýmsum góðgerðarmálefnum sem gerði það verkum að Pavarotti átti milljónir aðdáenda sem kynntust honum í gegnum slíkt samstarf.   Það var ekki síst hin einlæga gleði og þetta vinalega andlit þessa stóra manns sem heillaði fólk fyrir utan stórkostlegan söng hans.

Dæmi um slíkt samstarf og ógleymanleg augnablik.

http://www.youtube.com/watch?v=kCIs3yG9DCs&mode=related&search=

 

Luciano Pavarotti látinn

Frábær Akureyrarvaka og ekki í fréttum

Langaði bara að þakka fyrir frábæra Akureyrarvöku!!  Þakka þeim fjölmörgu sem lögðu mikið á sig til að búa til frábæra stemmingu í bænum okkar, listamenn allir, auk allra þeirra annara sem lögðu hönd á plóg.  Ekki til að græða peninga heldur til að gæða bæinn lífi og það tókst svo sannarlega.

Allt frá frábæru hafmeyjuatriði Önnu Richards til stórkostulegs lokaatriðis Kristjáns Ingimarssonar og alls annars sem fram fór, þá var þessi dagur frábær.  Verst er að það var svo mikið í boði að engin leið var að komast yfir allt.

Umhugsunarvert er hins vegar að ekkert var minnst á Akureyrarvöku í kvöldfréttum Ruv og ekki stafkrókur um hana í mánudagsblaði Morgunblaðsins.  Hátíðin fór líklega of vel fram.....

Góð grein um forsjármál

Langaði að benda á grein Daggar Pálsdóttur um forsjármál, sjá slóð hér að neðan.

http://doggpals.blog.is/blog/doggpals/entry/290553/

Frábær grein og orð í tíma töluð.

Ég þekki þetta af eigin reynslu, hef gengið í gegnum skilnað og taldi að ég byggi í nútímasamfélagi þar sem litið væri á sameiginlega forsjá, sameiginlega umgengni og sameiginlegar skyldur sem sjálfsagðan hlut.  Ó nei...

Hið opinbera, fulltrúar sýslumanns, sálfræðingar og aðrir sem tengdust málinu gengu allir út frá því að börnin "tilheyrðu" móðurinni, og eina skylda föðurs væri að borga meðlag.  Þrátt fyrir samning um sameiginlega forsjá og jafna umgengni.  Lögheimili hjá móður "það væri alltaf þannig", meðlag fer því sjálfkrafa þangað og krafa móður um viðbótarmeðlag samþykkt sjálfkrafa af fulltrúa sýslumanns, "þá losnar þú við að borga allt annað og þið komið ykkur saman um þetta". Ég trúði varla orðum löglærðra fulltrúa sýslumanns, þeir skera úr um málin og benda kurteisilega á að það borgi sig ekki að gera mál úr hlutunum....

Stór hluti af sameiginlegum skyldum er að að báðir foreldrar taki þátt í að fæða og klæða börn sín, enda búa þau yfirleitt á tveim stöðum, en það er ekki hægt samkv. lögum, eitt lögheimili og aðeins þar fer fram framfærsla barns!

Áfram Dögg og kærar þakkir fyrir þessa grein

Takk fyrir, panta flug suður strax og skrifa á Kápthing !

Frábært að bjóða okkur öllum, þeim munar varla um að kaupa flug fyrir okkur landsbyggðarpakkið suður??

Hvað næst?? Nýbúnir að kaupa banka sem kostaði til jafns á við stóran hluta útgjalda ríkissins... 

Vonandi skemmtið ykkur vel... eins og Greifarnir sungu um árið  :)

Undirbúningur Kaupþingstónleika í fullum gangi

Eru Sjálfstæðismenn súkkulaðikleinur?

Rakst á þennan góða pistil á framsokn.is, er algjörlega sammála þessu !! Tek mér það bessaleyfi að birta hann hér.

Grímseyjarferjan

Eitt heitasta málið þessa dagana er skandallinn um Grímseyjarferjuna. Það hefur vakið athygli að Sturla Böðvarsson hefur neitað að tjá sig um málið á þeim forsendum að hann gegni nú stöðu forseta Alþingis og segist vilja gefa Kristjáni L. Möller, núverandi samgönguráðherra fullt svigrúm í málinu. Svo virðist sem Sturla ásamt Árna M. Mathiesen fjármálaráðherra hafi gert einhvers konar samkomulag við Vegagerðina um framúrkeyrslur umfram veittar heimildir Alþingis og án vitundar eða afskipta fjárlaganefndar eða samgöngunefndar þingsins, svo nemur hundruðum milljóna. Það vakti athygli margra framsóknarmanna að Guðni Ágústsson, formaður Framsóknarflokksins var spurður um ábyrgð sína í málinu, þar sem hann sat í ríkisstjórn á þessum tíma. Enn sem komið er hefur fjármálaráðherrann Árna Mathiesen hins vegar ekki verið spurður um hans ábyrgð í málinu og vekur það því upp spurningar um sjálfstæði fréttamanna og það hversu óháðir stjórnmálaöflunum þeir eru og hvers vegna það þykir sjálfsagt að spyrja framsóknarmann um ábyrgð sína í máli sem þessu á sama tíma og sjálfstæðismaðurinn og fjármálaráðherrann sem raunverulega átti aðild að málinu virðist sleppa algerlega við ágang fréttamanna og annar sjálfstæðismaður, núverandi forseti Alþingis kemst upp með að svara ekki fyrir sinn þátt í málinu. Embættismaður úr kerfinu; vegamálastjóri ásamt utanaðkomandi ráðgjafa eru hins vegar hundeltir af fréttasnápum. Spurningunum um hvað raunverulega lá að baki þessum ákvörðunum, hvaðan þrýstingurinn kom og hvað vakti fyrir mönnum hefur ekki verið svarað og sjálfstæðismenn virðast vera n.k. súkkulaðikleinur þegar kemur að því að fréttamenn leiti sannleikans. Þeir þurfa ekki að svara óþægilegum spurningum sem varða alvarleg afglöp í starfi og svo virðist sem í einhverjum tilvikum þeir séu ekki einu sinni spurðir. Hins vegar þykir sjálfsagt og eðlilegt að framsóknarmenn séu settir í skotlínuna, jafnvel varðandi málefni sem þeir hafa hvergi komið nálægt, eins og nú er raunin. Allt heitir þetta svo frjálst og óháð!

Fréttatilkynning frá Hömrum.

Rakst á yfirlýsingu stjórnar Hamra, rekstraraðila tjaldsvæðanna á Akureyri.  Hún segir allt sem segja þarf um sjónarmið þeirra varðandi hátíðarhöld um verslunarmannahelgina.  Leyfi mér að birta hana hér orðrétt. 

 „Vegna umræðunnar um nýliðna verslunarmannahelgi á Akureyri er nauðsynlegt að eftirfarandi komist á framfæri.

Skátar á Akureyri hafa um langt árabil rekið tjaldsvæðin á Akureyri með sérstökum samningi þar að lútandi við Akureyrarbæ með það að markmiði m.a. að samþætta við rekstur á útilífs- og umhverfismiðstöð skáta að Hömrum.  Höfum við átt mjög gott samstarf við Akureyrarbæ sem sér stað í uppbyggingunni að Hömrum og eigum við okkur markmið um enn frekari uppbyggingu þar, m.a. með nýju skátaheimili á svæðinu.

Um nokkurra ára bil hafa skátar án athugasemda sett aldursviðmið fyrir gistingu á tjaldsvæðunum bæjarins um verslunarmannahelgar enda útfrá því gengið að um fjölskyldutjaldsvæði sé að ræða.
 
Hins vegar var ný staða uppi þegar Akureyrarbær tók ákvörðun um að ekki skyldi boðið upp á sérstök „unglingatjaldsvæði“ í tengslum við fjölskylduhátíðina „ein með öllu“.  Við þær aðstæður var ljóst að mikilvægt væri að við skátar hefðum fullan stuðning við að framfylgja áðurnefndri viðmiðun okkar, sem hefur verið notuð mörg undanfarin ár eins og áður segir.  Var því leitað eftir stuðningi bæjaryfirvalda um það og hann fengum við óskoraðan, að því er við töldum.

Frá okkar bæjardyrum séð var alveg ljóst að við ættum þess engan kost að taka á móti þeim hópi sem hingað til hefur gist á s.n. „unglingatjaldsvæðum“ og tryggja um leið öryggi, aðbúnað og næði annarra tjaldgesta sem eru að langstærstum hluta fjölskyldufólk, eins og vel mátti sjá um liðna verslunarmannahelgi.

Rekstur okkar á tjaldsvæðunum er, eðli málsins samkvæmt, miðaður við ákveðnar forsendur og auðvitað verður hann að standa undir sér eins og annar rekstur.  Inn í þessum forsendum er ekki gert ráð fyrir þeim mikla kostaði sem yrði samfara því að reka sérstakt „unglingatjaldsvæði“ samhliða og á sama svæði og þau fjölskyldutjaldsvæði sem við erum að reka.

Allir sem vilja sjá það vita að ekki er hægt að mæta þörfum þessara tveggja hópa á sama tjaldsvæðinu, þær eru einfaldlega allt of ólíkar til þess að það gangi upp, reynslan bæði hér á Akureyri sem og annars staðar sýnir okkur það.

Eftir stendur síðan spurningin um það hvers konar hátíð viljum við halda?  Til hvaða markhóps viljum við höfða?  Það er ljóst að vilji menn halda „útihátíð“ þar sem gert er ráð fyrir dagskrá langt fram á nætur fyrir fjölmenna hópa ungs fólks, þá höfum við ekki bolmagn til þess að taka á móti þeim og sinna þeirra þörfum.  Vilji menn halda fjölskylduhátíð þar sem markhópurinn er fjölskyldufólk þá er ljóst að það fer saman við þau markmið sem skátar hafa sett sér við rekstur tjaldsvæðanna á Akureyri.

Við spyrjum því hvort ekki sé eðlilegast að þeir rekstraraðilar hér í bæ sem vilja halda „útihátíð“ með áður nefndum formerkjum verði þá ekki einnig að taka ábyrgðina á því að sinna gistiþörfum þessa hóps?

Virðingarfyllst,
Stjórn Hamra – Útilífs- og umhverfismiðstöðvar skáta á Akureyri.“

Þjálfun vs. pyndingar

Þetta minnir óþægilega á ýmislegt sem ég hef lesið (og jafnvel séð) um þjálfun barna í hinum ýmsu íþróttagreinum, jafnvel hér á Íslandi.  Leyfum börnum að vera börn, fyrir þeim eru íþróttir leikur. 

Sonur minn hætti að æfa íþróttagrein sem honum þótti skemmtileg vegna þess að pressan á árangur í keppnum var svo mikil frá þjálfara og sumum foreldrum.

Þetta er auðvitað ömurleg lesning um þennan aumingja dreng (og milljónir annara sem búa við pyndingar andlegar og líkamlegar)  en við þurfum líka að líta okkur nær!!

Þjálfari maraþondrengs handtekinn fyrir pyntingar